Archive for the 'شعر، أرشيف خيل و ليل، أمور خاصة' Category

خيل و ليل من جديد

ما نعرفش تغفيصة والا غمة بامَّا اللي بيه الفايدة مدونتي خيل و ليل تمحات بعد ما تمحى بريدي الإليكترةني على الجمايل، بعد ما وصلني مايل قي الضاهر جاي من فريق جمايل (قوقل) كيف تنقر عليه بتدهميكة مشات فيك و في الحشاشة الدنيا بكلها تطير…

تقريب محتوى المدونة خيل وليل بكله حي و مضمن عليه في عديد المحفظات واللي يستحق لحويجة من الأرشيف راني على ذمته في انتظار –لا إلاه إلا الله- نرجعشي المدونة الأصلانية، وباش ما نبقاش فاضي شغل، تحولت من بلوغار اللي رفض باش تعاود نحل مدونة جديدة رغم المحاولات الجديدة، هاي خيل و ليل في حانوت الوردبراس بها القصيد من الأرشيف.


ساعات احلام ليالي نهار

خيالك متعدي عل غِرَّة

وافكاري في دنيا بعيدة

رجَّعْني منها بالهمسة

ورماني عل شط مبامك

***

كِلـْمَاتِكْ نَغْمَة عْلـَى اوْتـَارٍي

و تـَعْدِيلِي طـَايـِحْ كِرْدَانـُه

عَـدِّلـْتِ الدُّوكَـة بَانـْفـَاسِكْ

لاَغِـتـْنِي السِّيـكـَة ْببَسْمَاتِكْ

***

لـَمْسَاتِكْ بـَسْتـَة بَغْـدَادِي

و مِيـزَانِي رَايـِحْ دُمَّـاتـُه

بِسْـكـَاتِك ثِـبْتِتْ خَطْوَاتِي

دَوَّرْت التـَّاكْ بـِنـَبْرَاتِـكْ

دُورَاتـِكْ حَـوْزِي هُوَّارٍي

خَطـْوَاتِـك هـَدَّة و بِسَاطْ

خَجْـلاَتـِكْ مُوجَـة بَحْرٍيَّة

عَلْ صَدْرِ الضَّامِي رَشْرَاشْ

***

حِـكَايَاتِـكْ مَلـْفُوفَـة حِنَّة

ضَحْكَاتـِكْ بـَانِتْ جُـمّـَارْ

طـَلـْفَاحْ خُرَاصِكْ بِالرَّنـَّة

و آحـْلاَمْ لِـيَالِيَّ نْـهَـار


الصفحات

أغسطس 2017
ن ث ع خ ج س د
« أكتوبر    
 123456
78910111213
14151617181920
21222324252627
28293031  

الأرشيف

Blog Stats

  • 23,296 hits