Archive for the 'شعر شعبي تونسي' Category

تره إس حس الڤطا جاي منـّا

من روائع الصور والخيال الشعري الشعبي قصيد ترى” إس حس الڤطا” للشاعر الشعبي سالم بوخف من دوز. هذه القصيدة التي جمعت بين الرمزية و الغزل و الملحمة و هي الصفات التي يتحلـّى بها البدوي و التي تشكل العناصر الهامة من قيمه.
في الجزء الثاني ترجمة إلى الفرنسية لهذه القصيدة أتمنى أن تفيد القراء الذين تعترضهم بعض الصعوبة في فهم مفردات لهجة البداوة المرزوڤية و هي إفادة أيضا للناطقين بالفرنسية فقط .


حس الڤطا
تره إس حس الڤطا جاي منـّأ *** ضبايح برنة
والا دلالات كف المحنة

*
تره إس حس الڤطا جاي وارد *** ضبيايح أبّارد
والا دلالات رڤبة الشارد
عَلْ صدر مشكاي نشبح جرايد ***ڤلايد محنـّا
وجمّار كيف فتڤ الليف منّه.
*
تره إس حس الڤطا لم فرڤه *** يحدّر و يرڤى
والا دلالات من حب درڤة
حبك سكن في الكنين زاد حرڤه *** انشغل ما تهنّى
وخايف بنات العرب يلحڤنّه.
*
تره إس حس الڤطا في بلاده ***ضبايح تنادى
والا دلالات سمح القلادة
يا سعد من دار زندك وسادة *** لحڤ ما تمنى
و يوم الآخرة تضمنيله الجنة.
*
تره إس حس الڤطا في سريره *** تسمع زريره
والا دلالات خاوي ضميرة
والجوف شاحب نهار المغيرة *** منين حفـزنّه
و سعيك و سعي العدو يڤدعنّه.

Ce poème est un morceau d’anthologie de la poésie populaire bédouine tunisienne, poésie que les tribus de Nefzaoua ont su perpétuer depuis des siècles en préservant les transmissions des valeurs de la société bédouine d’une part et d’autre part, les règles, les canons, les genres et les techniques poétiques qui ont prévalu chez leurs ancêtres des tribus Béni Hilal et Souleim.
Ce poème composé par le grand Salem Boukhoff est une synthèse de trois genres complémentaires : Symbolique, lyrique et épique. En effet le poème démarre sur une image symbolique empruntée à la faune animale dans une relation d’un prédateur(Le chasseur) et d’une proie (La ganga ou el gata), pour symboliser la femme parée de ses bijoux et son amoureux, ceci dans les trois strophes, le poète conclue dans la dernière strophe sur une conclusion épique très brève mais si expressive. J’espère que cette traduction aidera les lecteurs qui ne sont pas familiarisés avec les termes et les accents des bédouins M’razigs, et pour les exclusivement francophone une petite introduction à ce genre poétique assez typique.

Chut ! Le son du ganga vient de ce coté,
Tintement subtils,
Ou bien les signes des paumes apprêtées au henné
*
Chut ! Le son du ganga qui vient s’abreuver,
Cliquetis de fusils,
Ou bien les signes du cou de gazelle effarouchée
Sur le buste de ma confidente des ramures palmées
De colliers rutilants
Et un cœur de palmier bourgeonnant libéré
*
Chut ! Le son du ganga qui rassemble son envolée,
Dévalant et planant,
Ou bien les signes d’un amour caché
D’avantage brûlant,
Ton amour au fond de mon être s’est installé
Anxieux, réduit et de sa sérénité dépossédé
De peur que des filles des arabes, nous serions traqués
*
Chut! Le son du ganga en son terroir
Tumulte clamant
Ou bien des signes du beau sautoir
Bienheureux celui qui sur ton épaule se laisse choirة
Ses désirs, enfin, entre les mains avoir,
Et le jour du dernier jugement,
Le paradis, par ta grâce tu sauras lui pourvoir
*
Chut ! Le son du ganga en son néant,
Tapages assourdissants
Ou bien les signes du svelte élégant
Au ventre fin, qui le jour de la razzia, prit son élan,
Et reprit tes biens et ceux de l’ennemi le cœur vaillant

محمد الدغباجي: 1885-1925 جو خمسة يقصّوا في الجرة وملك الموت يراجي

من الخاصيات الفذة للشعر الشعبي أنه يوثق الأحداث اللي تمس الناس في الصميم، و الشاعر يتوصل بشاعريته أنه يعطي لهالأحداث البعد اللي يتجاوز الحدثية و يدخل بيه التاريخ ةو يبقى بفضل هالبلاغة و الخيال الشعري راسخ في الذاكرة أجيال واجيال.

شعر المعارك أو كيف ما هو دارج عند الشعراء شعر الخطاري(ج خطرة) أو الملاطم (ج ملطم) و معناها المواجهة من الأغراض اللي خذات مكانة في فترة المقاومة للاحتلال الفرانساوي و تواصل مع الحركة الوطنية باستمرار حتى أوائل الخمسينات.

الملاحم اللي ارتبطت بمحمد الدغباجي في المعارك اللي خاضها مع الفرنسيس عديدة، غير أن تبقى القصيدة اللي توصف ملطم مخزن مطماطة من أرقى ما تقال الشيء اللي خلاها تبقى على الألسن و في الذاكرة الجماعية. من سوء الحظ أنه شاعرها اندثر ذكره في القصيدة و ربما كيف العديد من القصائد المناهضة للمستعمر تستر اصحابها تحت غطاء التنكر خوفا من 404 متاع هاك الوقت اللي ما يكتفيش بالجلم وانتقامه غاشم.


جو خمسة يقصوا في الجرة*** وملك الموت يراجي

و لحقوا مولى العركة المرة*** المشهور الدغباجي

***

فزعوا خمسة بربايعهم*** تايجيبوا الفلاَّقَة

مخزن مطماطة ينجِّيهم*** لثرنهم بنداقة

الكيلاني يتحلَّف فيهم*** بحلالة و طلاقه

الدَّالة الفلاَّقة نمحيهم*** في واسع رقراقة

ضربوا الخمسة وحبوا إيديهم*** زفُّوا زفْ تلاقى

كذب الوسعة يقصر بيهم*** زي هدير الناقة

تاو ان يتلاقوا يقضيهم*** بوسربة شلهاقة

زي الذيب يمزِّل فيهم*** ويلالي ويهاجي

كان التل يخبَّر بيهم*** وجواب البسطاجي.

***

فزعوا حمسة فوق حصُنَّة*** من مخزن مطماطة

وقالوا هاهي الجرة منا*** وجَوا في اوّل شوَّاطة

الدَّغباجي قاعد يستنّى*** طاح لهم وتواطى

فيده ستوتي يلدغ سِمَّه*** دار فيهم شاماطة

صُبْعَه والقرَّاص يلمَّه*** يعجل ما يتناطى

واللي ينُوشَه يا ويل أمَّه*** فاح قتار اشياطه

يجي مرمي مصبوغ بدمَّه*** سِمْ منحَّس لاطه

مسَرْجِي بيت النار بضمَّه*** وشُغْل الحربي ساجي

ومولاها كبير آصل وهمة*** وعنده الكيف مقاجي

***

نهار الخمسة لحقوا خمسة*** و للهم حامي ربِّي

صباح إلْ ما زرقتشي شمسه*** اللي يقتُل ما يدِّي

يا لاحق مكناتك همشة*** ظنِّي فيك مغدِّي

اللي يصبح منكُمْ ما يمْسَى*** الدغباجي متنبي

سرجاها بستوتي نَمْشَه*** لقداهم متفاجي

معاها يتكلم بالرَّمْشَة*** ويحكم بالكِفاجي

***

جو خمسة يقصُّوا في الجرة*** و ملك الموت معاهم

راميهم شيطان بشرَّه*** على تبزيع دماهم

قِرْحوا يحسابوها غِرَّه*** يتبشروا  بملقاهم

وقت ان شبح العين تعرَّى*** تَكـُّوا الخيل قداهم

والدغباجي فيده حُرَّة*** يسربيلهم في عشاهم

سرجاها وخرجت عل برَّة*** في المِلهاد اخذاهم

دوَّفْهم كيسان المُرة*** موش من القهواجي

الخمسة درجحهُمْ في مرة*** لا من روَّح ناجي.

جو خمسة يقصوا في الجرة*** وملك الموت يراجي

و لحقوا مولى العركة المرة*** المشهور الدغباجي


صفحات

يوليو 2014
ن ث ر خ ج س أ
« أكتوبر    
 123456
78910111213
14151617181920
21222324252627
28293031  

الأرشيفات

Blog Stats

  • 14,864 hits

تابع

Get every new post delivered to your Inbox.